முக கவசம் இன்றி ஒரே இடத்தில் பணிபுரிந்த 50 தொழிலாளர்கள் - கொரோனா விழிப்புணர்வு இன்றி பணியாற்றியதால் அதிர்ச்சி

சத்தியமங்கலம் அருகே புதுவடவள்ளி கிராமத்தில் 100 நாள் வேலைவாய்ப்பு திட்டத்தின் கீழ் 50 க்கும் மேற்பட்ட பணியாளர்கள் ஒரே இடத்தில் அருகருகே நின்றபடி சாலையோர பள்ளத்தை தூர்வாரும் பணியில் ஈடுபட்டனர். ஒரு புறம் அரசு கொரோனா குறித்த விழிப்புணர்வு ஏற்படுத்தி வரும் நிலையில், மறுபுறம், முகக்கசவம் கூட அணியாமல், கொரோனா வைரஸ் பரவல் குறித்து கவலைப்படாமல் பணியில் ஈடுபட்டனர். 100 நாள் வேலைத்திட்டத்தை செயல்படுத்தும் ஊரக வளர்ச்சித்துறை அதிகாரிகள், கொரோனா குறித்து, பணியாளர்களிடம், விழிப்புணர்வு ஏற்படுத்தி, முக கவசம் உள்ளிட்ட முன்னெச்சரிக்கை நடவடிக்கைகள் குறித்து அறிவுறுத்த வேண்டும் என சமூக ஆர்வலர்கள் தெரிவித்துள்ளனர்.