தங்கம் விலை ஒரே நாளில் 952 ரூபாய் உயர்வு - ஆபரண தங்கம் ஒரு சவரன் ரூ.31,512 ஆக விற்பனை

தங்கம் விலை தொடர்ச்சியாக குறைந்து வந்த நிலையில், இன்று ஒரே நாளில் சவரனுக்கு 952 ரூபாய் அதிகரித்து 31 ஆயிரத்து 512 ரூபாயாக விற்பனையானது. கிராமுக்கு 119 ரூபாய் உயர்ந்து 3 ஆயிரத்து 939 ரூபாயாக விற்பனையாகிறது. நேற்று ஒரே நாளில் சவரனுக்கு 984 ரூபாய் குறைந்து 30 ஆயிரத்து 560 ரூபாயாக விற்பனையான நிலையில், இன்று 952 ரூபாய் உயர்ந்துள்ளது.  கொரோனா தாக்கம் காரணமாக, தங்கநகை  வர்த்தகத்திலும் பெரிய மாற்றங்கள் நிகழ்ந்து வருவதாக தங்க நகை வர்த்தகர்கள்  தெரிவித்துள்ளனர்.