தங்கம் விலை சவரனுக்கு ரூ.400 குறைந்தது - ஒரு சவரன் விலை ரூ.33,312 ஆக விற்பனை

தங்கம் விலை இன்று, ஒரு சவரனுக்கு 400 ரூபாய் குறைந்து 33 ஆயிரத்து 312 க்கு விற்பனையானது. காலையில் சவரனுக்கு 240 ரூபாய் குறைந்த நிலையில், மாலை நிலவரப்படி 160 ரூபாய்  விலை குறைந்தது. ஒரு கிராம் 4 ஆயிரத்து 164 ரூபாய்க்கு விற்பனையானது. தங்கம் விலை தொடர்ச்சியாக ஏற்றம் கண்டு வந்த நிலையில், இந்த வாரத்தில் ஏற்ற இறக்கமாக வர்த்தகமாகி வருகிறது. கொரோனா தாக்கம் உள்ள வரை, தங்கம் விலை குறைவதற்கு வாய்ப்பில்லை என்றே சந்தை வல்லுநர்கள் தெரிவித்துள்ளனர். விலை ஏற்ற இறக்கம் நிகழ்வதால், தங்கம் வாங்குவதில் குழப்பம் ஏற்பட்டுள்ளதாக தங்க நகை வர்த்தகர்கள் தெரிவித்துள்ளனர்.