தங்கம் ஒரு சவரனுக்கு ரூ.280 உயர்வு - ஒரு கிராம் தங்கம் ரூ.4,216 ஆக விற்பனை

தங்கம் விலை இன்று ஒரு சவரனுக்கு 280 ரூபாய் உயர்ந்து 33 ஆயிரத்து 728 ரூபாயாக விற்பனையாகிறது.  ஒரு கிராம் 4 ஆயிரத்து 216 ரூபாயாக உள்ளது. தங்கம் விலை தொடர்ந்து ஏற்றம் கண்டு வரும் நிலையில் நேற்றைய வர்த்தகத்தில் சவரனுக்கு 208 ரூபாய் குறைந்து 33 ஆயிரத்து 448 ரூபாய்க்கு விற்பனையானது. இன்று ஒரே நாளில் 280 ரூபாய் அதிகரித்துள்ளது. கொரோனா வைரஸ் தாக்கம் காரணமாக  உலக அளவிலான வர்த்தகத்தில் பெரும் பாதிப்பு ஏற்பட்டுள்ளதால், தங்கம் விலை ஏற்றம் கண்டு வருகிறது.