தமிழகத்திலிருந்து மெக்கா சென்ற 26 பேர் - சொந்த ஊர் திரும்புவதில் தாமதம் என தகவல்

தமிழகத்திலிருந்து மெக்கா சென்ற 26 பேர் சொந்த ஊர் திரும்புவதில் தாமதம் ஏற்பட்டுள்ளது. அவர்கள் இன்று தமிழகம் திரும்ப இருந்த நிலையில் அதிகாலை 4 மணிக்கு சவுதி அரேபியாவில் உள்ள ஜெட்டா விமான நிலையத்தில் போர்டிங் பாஸ் வழங்கப்பட்டது. ஆனாலும்  விமானம் குறித்து 

எந்த தகவலும் தெரிவிக்கப்படாததால் அவர்கள் அங்கேயே காத்து கிடக்கின்றனர். கொரோனா  வைரஸ் பாதிப்பால் பல விமானங்கள் ரத்து செய்யப்பட்டுள்ள நிலையில் கன்னியாகுமரி மற்றும் நாகர்கோவிலை சேர்ந்த 26 பேரும் எப்போது தமிழகம் திரும்புவார்கள் என தெரியவில்லை என உறவினர்கள் வேதனை தெரிவித்துள்ளனர்.