சென்னைக்கு கடத்திவரப்பட்ட வன உயிரினங்கள் - இப்ராகிம் ஷா என்பவரை கைது செய்து தீவிர விசாரணை

தாய்லாந்தில் இருந்து சென்னைக்கு கீரி, பச்சோந்தி, ஒணான் உள்ளிட்டவை கடத்தி வரப்பட்ட சம்பவம் அதிர்ச்சியை ஏற்படுத்தி உள்ளது. முன்னதாக, பெருமளவில் கடத்தல், பொருட்கள் கொண்டு வரப்படுவதாக, சுங்க இலாகா அதிகாரிகளுக்கு, தகவல்கள் கிடைத்தது. இதனிடையே, சென்னையை சேர்ந்த இப்ராகிம் ஷா என்பவரின் உடமைகளை சோதனை செய்த அதிகாரிகள், வன உயிரினங்கள் கடத்தி வந்ததை கண்டுபிடித்தனர். பின்னர், அவரை கைது செய்த அதிகாரிகள், அந்த உயிரினங்களை தாய்லாந்துக்கே திருப்பி அனுப்பவும் முடிவு செய்துள்ளனர்.