5 மற்றும் 8ம் வகுப்பு பொதுத்தேர்வுக்கு எதிராக மனு - விரைவில் விசாரிக்கிறது உயர்நீதிமன்ற மதுரை கிளை

மதுரை மாவட்டம் ஒத்தக்கடையை சேர்ந்த லூயிஸ் என்பவர் இந்த மனுவை தாக்கல் செய்துள்ளார். அதில், கட்டாய உரிமை சட்டத்தின்படி 14 வயதுக்குட்பட்ட குழந்தைகளுக்கு கட்டாய இலவச கல்வி அளிக்கப்பட்டு வருகிறது. இந்நிலையில், 5 மற்றும் 8ஆம் வகுப்பு மாணவர்களுக்கு பொதுத்தேர்வு நடத்துவது மாணவர்களின் கற்றல் திறனை பாதிக்கும் என குறிப்பிட்டுள்ளார். மேலும், இந்த நடைமுறை அரசியலமைப்பு சட்டத்திற்கு எதிரானது. எனவே 5 மற்றும் 8ஆம் வகுப்புகளுக்கான பொதுத்தேர்வை சட்டவிரோதம் என உத்தரவிட்டு, தடை செய்ய வேண்டும் என வலியுறுத்தியுள்ளார். இந்த மனு விரைவில் விசாரணைக்கு வர உள்ளது.