ஊராட்சி வேட்பாளர் காரில் கணக்கில் வராத பணம் : தேர்தல் பறக்கும் படை சோதனையில் பறிமுதல்
ஈரோடு மாவட்டம், சத்தியமங்கலம் மலைப்பகுதியில் தேர்தல் பறக்கும் படை வாகன சோதனையில் வேட்பாளரின் காரிலிருந்து கணக்கில் வராத ஒரு லட்சம் ரூபாய் கைப்பற்றப்பட்டது.
ஈரோடு மாவட்டம், சத்தியமங்கலம் மலைப்பகுதியில், தேர்தல் பறக்கும் படை வாகன சோதனையில், வேட்பாளரின் காரிலிருந்து கணக்கில் வராத ஒரு லட்சம் ரூபாய் கைப்பற்றப்பட்டது. தாளவாடி மலைப் பகுதியில், திகினாரை கிராமம் அருகே, தேர்தல் பறக்கும் படையினர் வாகன சோதனையில் ஈடுபட்டனர். அப்போது அந்த வழியாக வந்த காரில், கணக்கில் வராத ஒரு லட்சத்து 13 ஆயிரம் ரூபாய் இருந்துள்ளது. இது தொடர்பான விசாரணையில், அந்த கார், திகினாரை ஊராட்சி தலைவர் பதவிக்கு போட்டியிடும் ஆரோக்கியராஜ் என்பவருக்கு சொந்தமானது தெரியவந்தது.