குன்னூர்: பொதுமக்களை அச்சப்படுத்தி வரும் ஒற்றை காட்டுயானை - வாகனங்களை தாக்க முற்பட்டதால் பரபரப்பு

மேட்டுப்பாளையம் மலைபாதையில் கடந்த  10 நாட்களாக  

ஒற்றை காட்டுயானை  ஒன்று  உலா வருகிறது.  கடந்த 2 நாட்களுக்கு முன்பு அந்த காட்டு யானை இருசக்கரத்தில் வந்த வாகனஒட்டிகளை தாக்க முற்பட்டது. இந்த நிலையில் மீண்டும் சாலைக்கு வந்த ஒற்றை காட்டுயானை  வாகனங்களை தாக்க முற்பட்டதால்  பரபரப்பு ஏற்பட்டது. இதனால் வாகன ஓட்டிகள் அச்சம் அடைந்தனர்.  அரைமணி நேரத்திற்கு மேல் சாலையில் நின்ற யானையால், போக்குவரத்து பாதிக்கப்பட்டது. அதன் பிறகு மீண்டும் வனப்பகுதிக்குள் யானை சென்ற பிறகே வாகன ஒட்டிகள் நிம்மதி அடைந்தனர்.