கன்னியாகுமரி: திருமண ஆசைகாட்டி இளம்பெண்ணிடம் நகை பறிப்பு

கன்னியாகுமரி மாவட்டம் குளச்சல் சுற்றுவட்டார பகுதியில் தொடர் கொள்ளையில் ஈடுபட்ட  வெங்கடேஷ், கார்த்திக் ஆகிய 2 இளைஞர்களை போலீசார் கைது செய்தனர். அவர்களிடம் நடத்திய விசாரணையில், 21 வீடுகளில் பூட்டை உடைத்து கொள்ளை அடித்தது தெரியவந்தது. அவர்களிடம் இருந்து 6-எல்.இ.டி. டிவிக்கள் 2-லேப்டாப் 4-சவரன் நகைகளை போலீசார் பறிமுதல் செய்தனர். அப்போது அங்கிருந்த இளம்பெண்ணிடம் போலீசார் விசாரணை நடத்தினர். அதில், திருமணம் செய்துகொள்வதாக கூறி அழைத்து வந்து 11 சவரன் தங்க நகைகளை பறித்துக்கொண்டதுடன், அடைத்து வைத்து துன்புறுத்தப்பட்டது தெரியவந்தது. இதையடுத்து அப்பெண்ணை மீட்ட போலீசார், கைது செய்த இரண்டு இளைஞர்களை சிறையில் அடைத்தனர்.