சென்னையில் இளைஞர் ஒருவர் பெண் வேடமிட்டு பணம் பறித்த ருசிகர சம்பவம்

சென்னை அடுத்த ஆவடி அருகே திருநங்கையாக மாற பணம் திரட்டும் நோக்கில், இளைஞர் ஒருவர் பெண் வேடமிட்டு பணம் பறித்த ருசிகர சம்பவம் அரங்கேறியுள்ளது. திருமுல்லைவாயல் பகுதியில் மக்கள் அதிகமாக கூடும் இடங்களில் திருநங்கை பணம் கேட்டு தொல்லை செய்வதாக புகார் எழுந்தது. இதைத் தொடர்ந்து அந்தப் பகுதியில் ரோந்து பணியில் ஈடுபட்டிருந்த போலீசார், பொதுமக்களிடம் பணம் கேட்டு ரகளையில், பெண் வேடமணிந்த நபரை பிடித்துச் சென்றனர். காவல் நிலையத்தில் வைத்து அவரிடம் நடத்திய விசாரணையில், அந்த நபர் திருமுல்லைவாயல் அனுமன் நகரை சேர்ந்த மணிகண்டன் என்பதும், திருநங்கையாக மாற பெண் வேடத்தில் பணம் திரட்டியதும் தெரியவந்தது.