கத்திப்பாரா மேம்பாலம் அருகே எரிந்த காரால் பரபரப்பு

சென்னை கத்திப்பாரா மேம்பாலம் அருகே நடுரோட்டில் தீப்பிடித்து எரிந்த காரால் பரபரப்பு ஏற்பட்டது. மண்ணடியை சேர்ந்த சையத் இப்ராகிம், தனது குடும்பத்தினருடன் காரில் சென்று கொண்டிருந்தார். அப்போது, காரின் முன்பகுதியில், திடீரென புகை வந்தது. உடனே, கீழே இறங்கி பார்த்ததும் கார் மளமளவென எரிய தொடங்கியது. பின்னர், தகவலறிந்து வந்த தீயணைப்பு துறையினர், போராடி தீயை அணைத்தனர். இதனால் அப்பகுதியில் சுமார் ஒரு மணி நேரம் போக்குவரத்து பாதிக்கப்பட்டது.