ஒன்றரை கிலோ வெள்ளி கொலுசுகள் நூதன திருட்டு : 6 பேர் கொண்ட கும்பல் கைவரிசை

பெரம்பலூர் அருகே ஒன்றரை கிலோ வெள்ளி கொலுசுகளை, 6 பேர் கொண்ட கும்பல், நூதன முறையில் திருடியது அதிர்ச்சியை ஏற்படுத்தியுள்ளது. வாலிகண்டபுரம் கிராமத்தில் உள்ள  நகைக்கடை ஒன்றில், நகைகள் வாங்குவது போல வந்த 6 பேர் கொண்ட கும்பல், கவனத்தை திசை திருப்பி நகைகளை நூதனமாக திருடியுள்ளது. வியாபாரத்தை முடித்து விட்டு, உரிமையாளர் நகைகளின் கணக்கு பார்க்கும் போது தான், 75 ஆயிரம் ரூபாய் மதிப்பிலான ஒன்றரை கிலோ வெள்ளி கொலுசுகள் திருடு போனது, தெரிய வந்துள்ளது. அதிர்ச்சியடைந்த உரிமையாளர் அளித்த புகாரை அடுத்து, சிசிடிவி காட்சிகளை அடிப்படையாக கொண்டு போலீசார் தீவிர விசாரணை செய்து வருகின்றனர்.