இசைக்கருவிகள் மூலம் மதுபாட்டில்கள் கடத்தல்

இசைக்கருவிகள் மூலம் மதுபாட்டில்களை கடத்த முயன்ற இருவர் நாகையில் போலீசாரிடம் சிக்கினர். நாகை மாவட்டம் வாஞ்சூரில் போலீசார் வாகன சோதனையில் ஈடுபட்டிருந்தனர். அப்போது அவ்வழியாக பேண்ட் வாத்தியங்களுடன் இருசக்கரவாகனத்தில் வந்த இருவர், வேகத்தடையில் ஏறிய போது, பாட்டில் சத்தம் கேட்டுள்ளது. இதையடுத்து, அவர்களை போலீசார் சோதனையிட்டபோது, பேண்டு வாத்தியம் உள்ளே 100 மதுபாட்டில்களை கடத்தி வந்த‌து தெரிய வந்துள்ளது. இதையடுத்து சத்தியமூர்த்தி, பிரபாகரன் ஆகிய இருவரை போலீசார் கைது செய்து விசாரித்து வருகின்றனர்.