நண்பர்கள் இருவர் வெட்டிப் படுகொலை - இருசக்கர வாகனத்தில் வேகமாக சென்றதை தட்டிக்கேட்டதால் கொடூரம்

தூத்துக்குடி அருகே இருசக்கர வாகனத்தில் வேகமாக சென்ற நபரை தட்டிக்கேட்ட நண்பர்கள் இருவர், வெட்டிக்கொல்லப்பட்ட சம்பவம் பரபரப்பை ஏற்படுத்தி உள்ளது. சிவந்தாகுளத்தை சேர்ந்த முருகேஷ், அவரின் நண்பர் விவேக் ஆகியோர், அப்பகுதியில் இருசக்கர வாகனத்தில் வேகமாக சென்ற மணிகண்டன் என்பவரை மெதுவாக செல்லும்படி அறிவுறுத்தி உள்ளனர். இதனால் அவர்களுக்குள் வாக்குவாதம் ஏற்பட்டதாக கூறப்படுகிறது. பின்னர், அங்கிருந்து புறப்பட்டு சென்ற மணிகண்டன், தனது நண்பர்களுடன் திரும்பி வந்து, முருகேஷ் மற்றும் விவேக்கை கத்தி உள்ளிட்ட ஆயுதங்களால் சரமாரியாக வெட்டியுள்ளனர். படுகாயம் அடைந்த இருவரும் மருத்துவமனை செல்லும் வழியில் உயிரிழந்தனர்.