திருவள்ளுவர் சிலைகள் வழி அனுப்பும் விழா: அமைச்சர்கள் ஜெயக்குமார், கடம்பூர் ராஜூ பங்கேற்பு

திருவள்ளுவர் சிலைகளை தைவானுக்கு வழி அனுப்பும் விழா சென்னை அடையாறில் நடைபெற்றது. உலக தமிழ் சங்கம் சார்பில், எம்.ஜி.ஆர் ஜானகி கலை கல்லூரி வளாகத்தில், இந்த விழா நடந்தது. அடுத்த மாதம் 19,20 ஆகிய தேதிகளில் தைவானில் இந்த சிலைகள் நிறுவப்பட உள்ளது. அமைச்சர்கள் ஜெயக்குமார், கடம்பூர் ராஜூ ஆகியோர் இதில் கலந்து கொண்டனர். நிகழ்ச்சியில் பேசிய அமைச்சர் கடம்பூர் ராஜூ, தமிழை வளர்க்க உலக தமிழ்ச் சங்கம் நிறுவனர் வி.ஜி.சந்தோஷம், பல்வேறு முயற்சிகளை எடுத்து வருவதாக  பாராட்டினார். தைவானில் சிலைகளை நிறுவ தேவையான உதவிகளுக்கு, அரசு முழு ஒத்துழைப்பு அளிக்கும் என்றார்.