பொன்னேரி அருகே முகமூடி கொள்ளையர்கள் தாக்கியதில் விவசாயி படுகாயம்

திருவள்ளூர் மாவட்டம் பொன்னேரி அருகே முகமூடி கொள்ளையர்கள் தாக்கியதில், விவசாயி படுகாயம் அடைந்தார். காட்டூரை சேர்ந்த விவசாயி அருளானந்தம், தனது இருசக்கர வாகனத்தில் பொன்னேரிக்கு சென்றுள்ளார்.சின்னமனோபுரம் பகுதியில் சென்றபோது அவரை வழிமறித்த, முகமூடி அணிந்த 3 கொள்ளையர்கள் பணம் மற்றும் செல்போனை கேட்டு மிரட்டியுள்ளனர். அருளானந்தம் வாகனத்தை நிறுத்தாமல் செல்ல முயன்றபோது, அவரை கத்தி உள்ளிட்ட ஆயுதங்களால் தாக்கி விட்டு, கொள்ளையர்கள் தப்பியோடினர். படுகாயமடைந்தவரை அப்பகுதி மக்கள் மீட்டு மருத்துவமனையில் அனுமதித்தனர். இதுதொடர்பாக போலீசார் வழக்குப்பதிவு செய்து விசாரித்து வருகின்றனர்.