கெங்கையம்மன் கோவில் அம்மன் சிரசு ஊர்வலம் - பலத்த போலீஸ் பாதுகாப்பு

வேலூர் மாவட்டம் குடியாத்தம் அடுத்த கமலாபுரம் கிராமத்தில் பலத்த போலீஸ் பாதுகாப்புடன் கெங்கையம்மன் கோவில் அம்மன் சிரசு ஊர்வலம் நடைபெற்றது. கமலாபுரத்தில் இரு சமூகத்தினரால் நடத்தப்பட்டு வந்த இந்த திருவிழா, கோஷ்டி மோதலால் கடந்த 2 ஆண்டுகளாக வருவாய்த்துறை, காவல்துறையால் ரத்து செய்யப்பட்டது. இந்நிலையில் பல முறை பேச்சுவார்த்தைக்கு பின் இரு பிரிவினரும் ஒற்றுமையுடன் அம்மன் திருவிழா நடத்த காவல் துறை அனுமதி அளித்தது. இதையடுத்து பல்வேறு நிபந்தனைகளுக்கு பிறகு பலத்த போலீஸ் பாதுகாப்புடன், இன்று அம்மன் சிரசு ஊர்வலம் நடைபெற்றது.