வீட்டின் ஜன்னலை உடைத்து புகுந்த மர்ம நபர்கள் : நகை, ரொக்கம் கொள்ளை

வேலூர் மாவட்டம், வாணியம்பாடி காதர்பேட்டை பகுதியைச் சேர்ந்தவர் அஷ்பாக் அஹமத். தோல் வியாபாரியான இவர், தனது மனைவியின் மருத்துவ சிகிச்சைக்காக குடும்பத்துடன் சென்னைக்கு சென்று திரும்பியுள்ளார். இந்த நிலையில், வீட்டில் யாரும் இல்லாத நேரத்தில் வெண்டிலேட்டரை உடைத்து உள்ளே புகுந்த மர்ம நபர்கள், பீரோவில் வைக்கப்பட்டிருந்த 28 சவரன் தங்கநகை, ரூ.2 லட்சம் ரொக்கம் ஆகியவற்றை கொள்ளையடித்து சென்றுள்ளனர். இது குறித்து புகாரின் பேரில், போலீசார் விசாரணை மேற்கொண்டுள்ள நிலையில், வாணியம்பாடி பகுதியில் தொடரும் கொள்ளை சம்பவங்களால் மக்கள் அச்சம் அடைந்துள்ளனர்.