கேட்பாரற்று கிடந்த 27 நாட்டுத்துப்பாக்கிகள் : போலீஸார் கைப்பற்றி விசாரணை

ஒசூர் அருகே கிராமப்பகுதியில் கேட்பாரற்று கிடந்த 27 நாட்டுத்துப்பாக்கிகளை போலீசார் கைப்பற்றி விசாரணை நடத்தி வருகின்றனர்.  உரிமம் இல்லாத நாட்டுத்துப்பாக்கிகளை வைத்திருப்போர் அதனை காவல்துறையிடம் ஒப்படைக்குமாறு கிருஷ்ணகிரி மாவட்ட போலீசார்  கிராமப்பகுதிகளில் தண்டோரா போட்டு வேண்டுகோள் விடுத்து வந்தனர். இந்நிலையில், ஒசூர் அருகே பூமரத்துகுழி கிராமத்தில் உள்ள முனியப்பன் கோயிலின் பின்புறத்தில் கேட்பாரற்று கிடந்த 27 நாட்டுத்துப்பாக்கிகளை அஞ்செட்டி போலீசார் பறிமுதல் செய்தனர். கடந்த ஒரு மாதத்தில் மட்டும் இதுவரை 46 நாட்டுத்துப்பாக்கிகளை போலீசார் கைப்பற்றியுள்ளனர்.