வாணியம்பாடி : தாய்மாமாவை அடித்துக் கொன்ற இளைஞர்கள்

துறையேறி பகுதியைச் சேர்ந்த சிவா, கம்பி வேலி அமைக்கும் தொழில் செய்து வந்தார். அவருடன் பிறந்த சகோதரியின் கணவர் ரவி மற்றும் அவர்களது மகன்கள் சக்திவேல், உதயகுமார் ஆகியோரும் இந்த தொழில் செய்து வந்தனர். இதில், இவர்களிடையே ஏற்பட்ட வாய்த் தகராறு, மோதலில் முடிந்தது. நிலைதடுமாறி கீழே விழுந்த தாய்மாமா சிவாவின் தலை மீது, கல்லைத் தூக்கி போட்ட இளைஞர்கள், அங்கிருந்து தப்பிச் சென்றனர். படுகாயம் அடைந்த சிவா, அரசு மருத்துவமனையில் சிகிச்சை பெற்று வந்த நிலையில், சிகிச்சை பலனின்றி உயிரிழந்தார். இதையடுத்து கொலை வழக்குப் பதிவு செய்த போலீசார், தலைமறைவாக உள்ள சக்திவேல், உதயகுமாரை தேடி வருகின்றனர்.