விமானத்தில் சிகரெட் பிடித்த இளைஞர் கைது

சென்னைக்கு குவைத்திலிருந்து  வந்த விமானத்தில் தஞ்சாவூரை சேர்ந்த இஸ்மாயில் என்பவர் வந்துள்ளார். நடுவானில் பறந்து கொண்டிருந்தபோது இஸ்மாயில்  விமானத்திற்கு உள்ளேயே சிகரெட் பிடித்ததோடு, அருகில் இருந்த  பயணி முகத்தில் ஊதியதாக கூறப்படுகிறது. இதனையடுத்து  விமானம் சென்னையில் தரையிறங்கியதும் விமான  பாதுகாப்பு அதிகாரிகள், இஸ்மாயிலை பிடித்து  விமான நிலைய போலீசில் ஒப்படைத்தனர். விமான நிலைய போலீசார்  வழக்கு பதிவு செய்து இஸ்மாயிலை கைது செய்து விசாரணை நடத்தி வருகின்றனர்.