லோடு ஆட்டோ கவிழ்ந்து விபத்து : சம்பவ இடத்திலேயே 3 பெண்கள் பலி

தூத்துக்குடி மாவட்டம் விளாத்திகுளம் புதூர் அருகே உள்ள முத்துசாமிபுரம் ஊரை சேர்ந்த 25 பேர் குடும்ப நிகழ்ச்சிக்காக லோடு ஆட்டோவில் சென்றுள்ளனர். அப்போது முத்துசாமிபுரம் - சென்னம ரெட்டிப்பட்டி சாலையில் எதிர்பாராத விதமாக வாகன ஓட்டுநர் வளைத்ததில், சாலை தடுப்பில் மோதி வாகனம் கவிழ்ந்து விபத்துக்குள்ளானது. இதில் வாகனத்தில் பயணித்த ராமலட்சுமி, செண்பகம் மற்றும் சாலையில் சென்ற சண்முகலட்சுமி ஆகியோர் சம்பவ இடத்திலேயே உயிரிழந்தனர். படுகாயமடைந்த 10க்கும் மேற்பட்டோர் சிகிச்சைக்காக அருப்புக்கோட்டை அரசு மருத்துவமனையில் அனுமதிக்கப்பட்டுள்ளனர்.