ஆசிரியர்கள் வராத‌தால் மூடப்பட்ட பள்ளிகள் : மாணவர்களுடன் போராட்டத்தில் குதித்த கிராம மக்கள்

ஜாக்டோ ஜியோ போராட்டத்தின் எதிரொலியாக ஆசிரியர்கள் பள்ளிக்கு வராத‌தால், அரியலூர் மாவட்டம்  உஞ்சினி கிராமத்தில் செயல்பட்டுவரும் ஊராட்சி ஒன்றிய தொடக்கப்பள்ளி மூடப்பட்டுள்ளது. இதனால், பள்ளிக்கு ஆர்வமுடன் வந்த மாணவ, மாணவிகள், ஏமாற்றத்துடன் செய்வதறியாது நின்றனர். இதனை கண்ட கிராம மக்கள், திடீரென சாலை மறியலில் ஈடுபட்டனர். ஏழை மாணவர்களின் கல்வியை கருத்தில் கொள்ளாமல், பல்வேறு கோரிக்கைகளை முன்னிறுத்தி போராடிவரும் ஆசிரியர்களுக்கு எதிராக போராட்டத்தில் ஈடுபட்ட மாணவர்கள் கோஷங்கள் எழுப்பினர். இதனால் அந்த பகுதியில் பரபரப்பு ஏற்பட்டது.