தஞ்சை மாநகரப் பகுதிகளில் வழிப்பறியில் ஈடுபட்டு வந்த முகமூடி கொள்ளையர்களை தனிப்படை போலீசார் கைது செய்ததுடன், அவர்களிடமிருந்து பயங்கர ஆயுதங்களையும் கைப்பற்றியுள்ளனர்.
அதிகாலை நேரத்தில், சாலையில் செல்பவர்கள், வீட்டில் தனியாக இருப்பவர்களிடம் ஆயுதங்களைக் காட்டி கொள்ளையடித்து வந்த கொள்ளை கும்பலை பிடிக்க, தனிப்படை அமைத்து போலீசார் தீவிர ரோந்து பணிகளை மேற்கொண்டிருந்த நிலையில், பல்வேறு இடங்களில் உள்ள சிசிடிவி காட்சிகளை கொண்டு விசாரணை செய்ததில், தஞ்சை நகரத்தைச் சேர்ந்த சதீஷ்குமார், ஆனந்த் , செல்வமணி, விக்ரம் , பாண்டியன் ஆகிய 5 பேரையும் கைது செய்ததுடன், இவர்களிடமிருந்து ஆயுதங்கள் செல்போன்கள் இரண்டு இருசக்கர வாகனங்கள் ஆகியவற்றையும் பறிமுதல் செய்துள்ளனர்.