குழந்தையை காரில் கடத்தி வந்த தாசில்தார் கைது

பெங்களுருவில் வசிக்கும் ஒரு தம்பதியினர், தங்கள் குழந்தையை மர்ம நபர்கள் சிலர் கடத்தி சென்று விட்டதாக போலீசில் புகார் ஒன்றை அளித்தனர். அதன் பேரில், போலீசார் நடத்திய விசாரணையில், தம்பதியினரின் வீட்டருகே பொருத்தப்பட்டிருந்த கண்காணிப்பு கேமராவில் மூன்று பேர், குழந்தையை கடத்தி செல்வது பதிவாகியிருந்தது. இதையடுத்து அவர்களை கைது செய்து போலீசார் நடத்திய விசாரணையில், குழந்தையை கடத்தி, தூத்துக்குடியின் ஒட்டபிடாரம் தாசில்தாருக்கு 2 லட்ச ரூபாய்க்கு விற்பனை செய்தது தெரியவந்தது. இதையடுத்து துரிதமாக செயல்பட்ட போலீசார், காரில் குழந்தையை கடத்தி சென்று கொண்டிருந்த தாசில்தார் மற்றும் அவரது மனைவியை சேலம் ஒமலூரில் மடக்கி பிடித்து கைது செய்தனர்.