வெளிநாட்டு கல்வி சுற்றுலாவிற்கு தேர்வாகியுள்ள ஏழை மாணவன் மகிழ்ச்சியில் திளைக்கும் கிராமம்...

நெல்லை மாவட்டம் வேப்பங்குளத்தை சேர்ந்த அருமைதுரை என்பவரின் மகன் மன்மோகன் சாரதி. இவர் கடம்பன்குளம் ஆதிதிராவிடர் மேல்நிலை பள்ளியில் பத்தாம் வகுப்பு படித்து வருகிறார். சிறுவயது முதலே கலை, இலக்கியம், யோகா என பல்வேறு துறைகளில் சிறந்து விளங்கும் மன்மோகன் சாரதி, மாவட்ட அளவில் பல்வேறு பரிசுகளையும் வென்றுள்ளார். தேசிய திறனாய்வுப் போட்டியில் வெற்றி பெற்று மத்திய அரசின் உதவித்தொகையும் பெற்று வருகிறார். இந்தநிலையில், பள்ளிக்கல்வித்துறை சார்பில் அரசுப் பள்ளி மாணவர்களை வெளிநாட்டிற்கு கல்விச் சுற்றுலா அழைத்துச் செல்லும் திட்டத்தில், மன்மோகன் சாரதியின் பெயரை, அவரது தலைமை ஆசிரியர் விண்ணப்பித்திருந்தார். இதையடுத்து, வெளிநாடு செல்லும் 50 மாணவர்களில் மன்மோகனும் ஒருவராக தேர்தந்தெடுக்கப்பட்டுள்ளார். இதனால் அவரது கிராமமே மகிழ்ச்சியில் உள்ளது.