ஆட்டோவில் சூட்கேஸை தவறவிட்ட முதியவர் - சூட்கேஸை காவல்நிலையத்தில் ஒப்படைத்த ஆட்டோ ஓட்டுனர்

சென்னை திருவொற்றியூரில் ஆட்டோவில் தவறவிட்ட சூட்கேசை காவல்நிலையத்தில் ஒப்படைத்த ஆட்டோ ஓட்டுநருக்கு காவல் ஆய்வாளர் பாராட்டு தெரிவித்தார். சென்னை எர்ணாவூர் மேம்பாலம் அருகே முதியவர் ஒருவர் ஷேர் ஆட்டோவில் ஏறி  திருவொற்றியூர் தேரடி சந்திப்பில் இறங்கும் போது சூட்கேஸை ஆட்டோவில் மறந்து விட்டுவிட்டு சென்றுள்ளார். இதனை பார்த்த ஷேர் ஆட்டோ ஓட்டுநர் சிவகுமார் சூட்கேஸை திருவொற்றியூர் காவல்நிலையத்தில் ஒப்படைத்தார். பின்னர் அந்த சூட்கேஸ் அதன் உரிமையாளரிடம் ஒப்படைக்கப்பட்டது. சிவகுமாரின் மனிதநேயத்திற்கு காவல் ஆய்வாளர் பாராட்டு தெரிவித்தார்.