மதுரை அலங்காநல்லூர் ஜல்லிக்கட்டு : போட்டியில் பங்கேற்கும் காளைகளுக்கு மருத்துவ பரிசோதனை

மதுரை அலங்காநல்லூரில் வருகிற 17ம் தேதி நடைபெறும் ஜல்லிக்கட்டு போட்டிக்கான ஏற்பாடுகள் தீவிரமாக நடைபெற்று வருகின்றன. இதில் பங்கேற்கும் காளைகளுக்கு, மருத்துவ பரிசோதனை கால்நடை மருத்துவர் ராஜா முன்னிலையில், நடைபெற்றது. காளைகளின் வயது, பற்களின் உயரம், நோய் அறிகுறிகள், மற்றும் உடல் தகுதி குறித்து, கால்நடை மருத்துவ குழுவினர் ஆய்வு செய்தனர். உரிமையாளரின் ஆதார் அட்டை, குடும்ப அட்டைகள் உள்ளிட்ட ஆவணங்கள் சரி பார்க்கப்பட்டு காளைகளுக்கு உடல் தகுதி சான்று வழங்கப்பட்டது.