முதல்வரை வரவேற்க திரண்ட அ.தி.மு.க தொண்டர்கள் : விமான நிலைய அதிகாரிகளுடன் வாக்குவாதம்

தமிழக சுற்றுலாத் துறை அமைச்சர் வெல்லமண்டி நடராஜன் இல்ல விழாவில் கலந்து கொள்ள, திருச்சி வந்த முதல்வர்  எடப்பாடி பழனிச்சாமியை வரவேற்க அ.தி.மு.க வினர் திருச்சி  விமான நிலையத்தில் குவிந்தனர். அவர்களில் சிலர் பயணிகளின் வருகை பகுதியில் உள்ளே செல்ல முயன்ற நிலையில், அங்கு இருந்த மத்தியத் தொழிலக பாதுகாப்பு படையினர் அவர்களை தடுத்துள்ளனர். இதனால்  ஆத்திரமடைந்த அ.தி.மு.க வினர் பாதுகாப்பு அதிகாரிகளுடன் வாக்குவாதத்தில் ஈடுபட்டனர். இதனால்  சிறிய தள்ளு முள்ளு ஏற்பட்டது. பிரச்சினையை தடுக்க வருகை பகுதி நுழைவுவாயில் சிறிது நேரம் பூட்டி வைக்கப்பட்டது. இதனால் சிறிது நேரம்  பரபரப்பு ஏற்பட்டது.