அரசு பேருந்து படிக்கட்டு உடைந்து விழுந்ததால் பரபரப்பு

* காஞ்சிபுரம் மாவட்டம் செங்கல்பட்டு பேருந்து நிலையத்தில் இருந்து புறப்பட்ட அரசு பேருந்து  சென்னை-திருச்சி- நெடுஞ்சாலையில் பாலாறு மேம்பாலம் அருகே சென்று கொண்டிருந்தது. 

* அப்போது பேருந்தின் பின்புற படிக்கட்டு திடீரென உடைந்தது. இதனால் படிக்கட்டில் பயணம் செய்த மாணவர்கள் 6 பேர் கீழே விழுந்தனர். 

* அதிஷ்டவசமாக பின்னால் எந்த வாகனமும் வராததால், சிறு காயங்களுடன் அவர்கள் உயிர் தப்பினர்.

* அந்த பேருந்து, சாலை வளைவில் கிடந்த பெரிய கல்லில் மோதியதில் படிக்கட்டு உடைந்ததாகவும், அசம்பாவிதம் ஏற்படுவதை தடுக்க பாதி வழியிலேயே பேருந்து நிறுத்தப்பட்டு, மாற்று பேருந்து மூலம் பயணிகள் அனுப்பி வைக்கப்பட்டதாக செங்கல்பட்டு கோட்ட அதிகாரிகள் தெரிவித்துள்ளனர்.