பெண் எஸ்.ஐ.யை கீழே தள்ளிய போலீஸ் டி.எஸ்.பி

தூத்துக்குடி மாவட்டம் திருச்செந்தூர் காவல் நிலையத்தில் பெண் உதவி ஆய்வாளராக இருப்பவர் சத்யபாமா. இவர், கடந்த 20ஆம் தேதி குலசேகரபட்டிணம் தசரா விழாவை ஒட்டி, கோயிலில் பாதுகாப்பு பணியில் ஈடுபட்டிருந்ததார். அப்போது, அங்கு சாமி தரிசனம் செய்வதற்கு குடும்பத்துடன் வந்த, சென்னை டி.ஜி.பி. அலுவலக கட்டுப்பாட்டு அறையில் பணிபுரியும் டி.எஸ்.பி முத்துக்குமாருக்கும், சத்யபாமாவுக்கும் இடையே  வாக்குவாதம் ஏற்பட்டுள்ளது. இதில், முத்துக்குமார், பெண் உதவி ஆய்வாளரை கீழே தள்ளிவிட்டதாக கூறப்படுகிறது. இதில் காயமடைந்த அவர், தூத்துக்குடி அரசு மருத்துவமனையில் சிகிச்சைக்கு அனுமதிக்கப்பட்டுள்ளார். இந்தச் சம்பவம் தொடர்பாக இருவரும் குலசேகரபட்டிணம் காவல் நிலையத்தில் புகார் அளித்துள்ளனர்.