நடுக்கடலில் தத்தளித்த 10 உயிர்கள்.. ``லைஃப் முடிந்தது'' என நம்பிக்கையிழந்த நொடி கடவுள் அதிசயம்

#fisherman #chennai

வங்க கடலில் படகு கவிழ்ந்ததில், ஒரு மீனவர் உயிரிழந்த நிலையில், 8 மீனவர்களை கடலோர காவல்படையினர் பத்திரமாக மீட்டுள்ளனர்.

Vovt

சென்னை மற்றும் ஆந்திராவை சேர்ந்த 10 மீனவர்கள், ஒரு விசைப்படகில் கடந்த 27ஆம் தேதி ஆழ்கடலில் மீன்பிடிக்க சென்றுள்ளனர். ஆந்திர மாநிலம் கிருஷ்ணப்பட்டத்தில் இருந்து சுமார் 150 கடல் மைல் தொலைவில் வங்க கடலில் மீன்பிடித்து கொண்டிருந்த போது, படகில் திடீரென விரிசல் ஏற்பட்டு தண்ணீர் உள்ளே புகுந்துள்ளது. சேதமடைந்த படகு தண்ணீரில் முழ்கியதால் 10 மீனவர்களும் கடலில் த‌த்தளித்தனர். சுமார் 7 மணி நேரத்திற்கு பிறகு அப்பகுதிக்கு வந்த வணிக கப்பல், மீனவர்களை மீட்கும் பணியில் ஈடுபட்டது. இதில், சென்னையை சேர்ந்த அருண் என்ற மீனவர் உயிரிழந்த நிலையில், மேலும் ஒரு மீனவர் மாயமாகியுள்ளார். தொடர்ந்து, மீட்கப்பட்ட 8 மீனவர்கள், கடலோர காவல்படை கப்பல் மூலம் சென்னை துறைமுகத்திற்கு அழைத்துவரப்பட்டனர். மாயமான மீனவரை தேடும் பணி தொடர்ந்து நடைபெற்று வருகிறது.