டி.என்.பி.எல் - சேப்பாக் அணி அபார வெற்றி - 36 ரன்கள் வித்தியாசத்தில் வீழ்ந்தது கோவை

சென்னையில் நடைபெற்ற தமிழ்நாடு பிரிமீயர் லீக் 20 ஓவர் கிரிக்கெட் போட்டியில், சேப்பாக் சூப்பர் கில்லீஸ்-கோவை கிங்க்ஸ் அணிகள் மோதின. இதில், 20 ஓவர் விளையாடிய சேப்பாக் சூப்பர் கில்லீஸ் அணியில், அதிகப்பட்சமாக சதீஷ் 64 ரன்களும், சாய் கிஷோர் 34 ரன்களும் சேர்த்தனர். மற்றவர்கள் சொற்ப ரன்களில் ஆட்டமிழந்தனர். மொத்தத்தில், 7 விக்கெட் இழப்புக்கு159 ரன்கள் சேர்த்தனர். ஹரீஷ் குமாரும், சோனு யாதவும் ஆட்டமிழக்காமல் நின்றனர். 160 ரன்கள் என்ற இலக்குடன் களமிறங்கிய கோவை கிங்க்ஸ் அணி, முதலில் இருந்தே சொதப்பியது. தன்வார் 29 ரன்களும், ஷாருக்கான் 26 ரன்களும் எடுத்தனர். கங்கா ஸ்ரீதர் ராஜூ 22 ரன்கள் எடுத்தனர். மற்றவர்கள் அடுத்தடுத்து ஆட்டமிழக்க 20 ஓவரில் 123 ரன்கள் மட்டுமே எடுத்து 9 விக்கெட்டுகளை இழந்து தோல்வியை தழுவியது.