எதிரணியின் ஃபீல்டிங்கை சரி செய்து தலைமை பண்புக்கு உதாரணமாக விளங்கும் தோனி

வங்க தேசத்திற்கு எதிரான நேற்றைய பயிற்சி ஆட்டத்தின் போது எதிரணியின் ஃபீல்டிங்கை தோனி சரி செய்த விதம் அனைவரது கவனத்தையும் ஈர்த்துள்ளது. வங்க தேச அணி பந்து வீசி கொண்டிருந்த போது தோனி பந்துவீச்சாளர் அருகில் நின்றுகொண்டிருந்தார். வங்கதேச பந்து வீச்சாளர் ஷபிர் பந்துவீச ஓடி வந்தபோது லெக் சைடில் நிறுத்தி வைக்கப்பட்ட  வீரர்  வேறு இடத்தில் நின்றார். இதை கவனித்த தோனி, பந்துவீச்சாளரை உடனடியாக நிறுத்தி, அதை சுட்டிக்காட்டினார். இதனையறிந்த ஷபிர் உடனடியாக பீல்டரை சரியான இடத்தில் நிற்கும்படி கூறினார்.தோனியின் செயலை பார்த்த ரசிகர்கள் மற்ற்றும் நடுவர்கள் திகைத்து போனர்.