சென்னை அண்ணா அறிவாலயத்தில் கூட்டணி கட்சிகளுடன் நாடாளுமன்றத் தேர்தல் தொகுதி பங்கீடு குறித்து திமுக இன்று பேச்சுவார்த்தை நடத்த உள்ளது. ஏற்கனவே காங்கிரஸ், இந்திய கம்யூனிஸ்டு, மார்க்சிஸ்ட் கம்யூனிஸ்டு, ம.தி.மு.க.வுடன் தொகுதி பங்கீடு தொடர்பாக முதற்கட்ட பேச்சுவார்த்தையை திமுக நடத்தியுள்ளது. இந்நிலையில், இன்று மாலை, கூட்டணியில் உள்ள விசிக, கொங்குநாடு மக்கள் தேசிய கட்சி மற்றும் இந்திய யூனியன் முஸ்லிம் லீக் கட்சியுடன் தொகுதி பங்கீடு தொடர்பான பேச்சுவார்த்தை நடைபெற உள்ளது.