ஒடிசாவின் புதிய முதலமைச்சர் யார்? கூட்டத்தில் செயல்படும் முக்கிய தலைகள்.. வெளியாகும் அறிவிப்பு

ஒடிசாவில் புதிய முதலமைச்சரை தேர்வு செய்ய, பாஜக தேர்வு குழுவை அமைத்துள்ளது. ஒடிசா மாநில சட்டப்பேரவையில் 78 இடங்களை கைப்பற்றி ஆட்சியை பிடித்த பாஜக, இதுவரை முதல்வர் யார் என்பதை அறிவிக்காமல் உள்ளது. வரும் ஜூன் 12-ம் தேதி மாலை 8 மணி அளவில் ஒடிசா மாநிலத்தில், புதிய முதல்வர் மற்றும் அமைச்சரவையின் பதவியேற்பு விழா நடைபெற உள்ளது. இந்நிலையில், புதிய முதல்வரை தேர்வு செய்வதற்காக குழு அமைத்த பாஜக தலைமை, மத்திய அமைச்சர்கள் ராஜ்நாத் சிங் மற்றும் புபேந்திர யாதவ் ஆகியோரை நியமித்துள்ளது. இன்று அல்லது நாளை நடைபெற உள்ள எம்எல்ஏக்கள் கூட்டத்தில் புதிய முதல்வர் தேர்வு செய்யப்படுவார் என்று எதிர்பார்க்கப்படுகிறது.