இன்று தமிழகம் வருகிறார் குடியரசுத் தலைவர் திரவுபதி முர்மு | Droupadi Murmu

இன்று தமிழகம் வருகிறார் குடியரசுத் தலைவர் திரவுபதி முர்மு

குடியரசுத் தலைவர் திரவுபதி முர்மு, 4 நாள் பயணமாக இன்று தமிழகம் வருகிறார். டெல்லியில் இருந்து, முதுமலை புலிகள் காப்பகத்திற்கு வருகை தரும் அவர், யானைகள் பராமரிப்பவர்களுடன் கலந்துரையாடுகிறார். அதைத் தொடர்ந்து சென்னை வரும் அவர், நாளை 6-ஆம் தேதி, சென்னை பல்கலைக்கழகத்தின் 165-வது பட்டமளிப்பு விழாவில் கலந்து கொண்டு உரையாற்றுகிறார்.

பின்னர், சென்னை ஆளுநர் மாளிகையில், தமிழ்நாட்டின் பழங்குடியின பிரதிநிதிகளை நாளை சந்திக்கிறார். மேலும் ஆளுநர் மாளிகையில், மகாகவி சுப்பிரமணிய பாரதியாரின் உருவப்படத்தை திறந்து வைப்பதுடன், கவர்னர் மாளிகையில் உள்ள தர்பார் மண்டபத்துக்கு பாரதியார் மண்டபம் என பெயர் சூட்டும் விழாவிலும் குடியரசு தலைவர் பங்கேற்கிறார்.

அதைத் தொடர்ந்து, புதுச்சேரிக்கு நாளை மறுநாள் 7ஆம் தேதி செல்லும் அவர், அங்குள்ள ஜிப்மர் மருத்துவமனையில், லீனியர் ஆக்ஸிலரேட்டர் உபகரணத்தை தொடங்கி வைக்கிறார். மறுநாள் 8-ஆம் தேதி, ஆரோவில்லில், மாநாடு ஒன்றையும் திரௌபதி முர்மு தொடங்கி வைக்கிறார்