"நக்சல்களின் புதிய வடிவமாக மாறிய காங்கிரஸ்" - பிரதமர் மோடி பரபரப்பு பேச்சு

காங்கிரஸ் கட்சி நகர்ப்புற நக்சல்களின் புதிய வடிவமாக மாறிவிட்டதாக பிரதமர் மோடி கடுமையாக விமர்சித்துள்ளார்.

ஹரியானா சட்டப்பேரவைத் தேர்தலை முன்னிட்டு குருஷேத்திராவில் நடைபெற்ற பிரச்சார பொதுக்கூட்டத்தில் கலந்துகொண்டு உரையாற்றிய பிரதமர் மோடி, தாஜா செய்வதுதான் காங்கிரஸின் மிகப்பெரிய இலக்கு என சாடினார். கர்நாடகாவில் விநாயகரை கம்பிக்கு பின்னால் தள்ளும் சூழல் நிலவுவதாக சுட்டிக்காட்டிய பிரதமர் மோடி, காங்கிரஸ் கட்சி விநாயகர் சதுர்த்தி கொண்டாட்டத்தை தடுத்து வருவதாக குற்றம்சாட்டினார். காங்கிரஸ் கட்சி நகர்ப்புற நக்சலின் புதிய வடிவமாக மாறிவிட்டதாகவும் கடுமையாக சாடினார். ஓபிசி இடஒதுக்கீட்டை இந்திரா காந்தி, ராஜீவ் காந்தி எதிர்த்ததாக சுட்டிக்காட்டிய பிரதமர் மோடி, தான் இருக்கும் வரை அம்பேத்கர் வழங்கிய இட ஒதுக்கீட்டை கொள்ளை அடிக்கவோ, பறிக்கவோ விடமாட்டேன் என உத்தரவாதம் அளித்தார்.