தமிழகத்திற்கு, தொழில் முதலீடுகளை ஈர்க்க அமெரிக்கா சென்றுள்ள முதலமைச்சர் ஸ்டாலின், இன்று சிகாகோ நகரத்திற்கு செல்கிறார். கடந்த 5 நாட்களாக சான்பிரான்சிஸ்கோ நகரில் இருந்த முதலமைச்சர் ஸ்டாலின், முதலீட்டாளர் மாநாடு மூலம், சுமார் 1300 கோடி ரூபாய் மதிப்பிலான முதலீடுகளை ஈர்த்துள்ளதுடன், அதற்கான புரிந்துணர்வு ஒப்பந்தங்களிலும் கையெழுத்திட்டுள்ளார். இந்நிலையில் இன்று சிகாகோ நகருக்கு செல்லும், முதலமைச்சர் ஸ்டாலின், அங்கு பல்வேறு முன்னனி நிறுவனங்களின் தொழில் அதிபர்களை சந்திக்க உள்ளார்.