ராஜஸ்தான் சட்டப்பேரவைத் தேர்தலுக்காக, இரண்டாம் கட்ட வேட்பாளர் பட்டியலை பாஜக வெளியிட்டுள்ளது. 200 தொகுதிகளைக் கொண்ட ராஜஸ்தான் சட்டப்பேரவைக்கு அடுத்த மாதம் 25ஆம் தேதி தேர்தல் நடைபெற உள்ளது. முதற்கட்டமாக, 41 பேர் கொண்ட வேட்பாளர் பட்டியலை கடந்த வாரம் பாஜக வெளியிட்டது. இந்நிலையில், 83 பேர் கொண்ட இரண்டாம் கட்ட வேட்பாளர் பட்டியலை பாஜக வெளியிட்டுள்ளது. ராஜஸ்தான் மாநில முன்னாள் முதல்வரும், பாஜகவின் முக்கிய பிரமுகருமான வசுந்தரா ராஜே ஸிந்தியாவுக்கு, ஜலரபதான் தொகுதி ஒதுக்கப்பட்டுள்ளது.