நாடாளுமன்ற தேர்தல் தொடர்பாக, தொகுதி பொறுப்பாளர்களுடன் இன்று கோவையில் பாஜக ஆலோசனை நடத்தவுள்ளது. பாஜக தேசிய அமைப்பு செயலாளர் பி.எல்.சந்தோஷ், மத்திய இணை அமைச்சர் எல்.முருகன் உள்ளிட்டோர் ஆலோசனையில் பங்கேற்க உள்ளனர். தமிழக பாஜக தலைவர் அண்ணாமலை காணொலி வாயிலாக கலந்து கொள்வார் என கூறப்படுகிறது. தேர்தல் ஏற்பாடுகள், கூட்டணி, பா.ஜ.க. போட்டியிடும் இடங்களை கண்டறிவது உள்ளிட்டவை குறித்து விவாதிக்கப்படலாம் என தகவல் வெளியாகி உள்ளது.