உத்தரபிரதேச மாநிலம் காஷியாபாத் அருகே அடுக்குமாடி குடியிருப்பில் நேர்ந்த பயங்கர தீ விபத்தில் 5 பேர் உயிரிழந்தனர். பெஹ்தா ஹஜிப்பூர் கிராமத்தில் உள்ள குடியிருப்பில் தரைதளத்தில் தீ பற்றிய நிலையில், மளமளவென 2 மாடிகளுக்கு பரவியது. தகவலறிந்து போலீசாரும், தீயணைப்பு வீரர்களும் தீயை கட்டுப்படுத்தும் பணியில் ஈடுபட்டனர். முதல் மற்றும் இரண்டாவது மாடியில் ஏராளமானோர் விபத்தில் சிக்கியதாகவும், 5 பேர் உயிரிழந்ததாகவும் காவல்துறை அதிகாரிகள் தெரிவித்தனர். விபத்துக்கான காரணம் விசாரணைக்கு பிறகு தெரியவரும் என கூறப்பட்டுள்ளது.