அயோத்திக்கு புறப்பட்ட முதல் விமானம்!ராமர், அனுமன் வேடமிட்டு பறக்கும் பயணிகள்..

குஜராத் மாநிலம் அகமதாபாத்தில் இருந்து அயோத்திக்கு முதல் விமானம் புறப்பட்டது. அயோத்தியில் வரும் 22ம் தேதி ராமர் கோயில் கும்பாபிஷேகம் நடைபெறுகிறது. இதையொட்டி, அயோத்தியில் அதிநவீன வசதிகளுடன் விமான நிலையம் பிரம்மாண்டமாக அமைக்கப்பட்டுள்ளது. இந்நிலையில், அகமதாபாத் விமான நிலையத்தில் இருந்து முதல் விமானம் அயோத்திக்கு புறப்பட்டது. இதில், ராமர், லட்சுமணர், சீதை மற்றும் அனுமன் வேடமிட்டபடி பக்தர்கள் சிலர் வந்திருந்தனர். வாரம் 3 நாட்கள் இயக்கப்படும் இந்த விமான சேவையை மத்திய அமைச்சர்கள் ஜோதிராதித்ய சிந்தியா, வி.கே.சிங், உத்தரப்பிரதேச முதல்வர் யோகி ஆதித்யநாத் ஆகியோர் காணொலி வாயிலாக தொடங்கி வைத்தனர்.