"நீட் அச்சம்" மாணவர்கள் அடுத்தடுத்து தற்கொலை... "என்ன நடக்கிறது பயிற்சி மையங்களில்" | Neet

ராஜஸ்தான் மாநிலத்தில் மேலும் ஒரு நீட் மாணவர் தற்கொலை செய்து கொண்ட‌து அதிர்ச்சியை ஏற்படுத்தியுள்ளது. ஒரு மாத‌த்தில் இது ஐந்தாவது சம்பவமாகும்.

ராஜஸ்தான் மாநிலம் கோட்டாவில் பல்வேறு கல்வி நிறுவனங்களில் படிக்கும் மாணவர்களின் இறப்பு எண்ணிக்கையை அதிகரித்து வருகிறது. அங்கு நீட் தேர்வுக்காக படித்து வந்த 16 வயது மாணவர் தற்கொலை செய்து கொண்டுள்ளார். ஹனுமன்கரில் மத்திய பணியாளர் தேர்வாணைய தேர்வுக்கு தயாராகி வந்த சிறுமி ஒருவர் சனிக்கிழமை தற்கொலை செய்துகொண்டதாக கூறப்படுகிறது. தற்கொலை செய்துகொள்வோரில் பெரும்பாலானோர் நீட் மற்றும் ஜேஇஇ ஆகிய போட்டி தேர்வுகளுக்கு தயாராகி வருபவர்களாவர். கடந்த ஆண்டு கோட்டாவில் 15 மாணவர்கள் தற்கொலை செய்து கொண்ட நிலையில், இந்த ஆண்டு 20 மாணவர்கள் தற்கொலை செய்துகொண்டுள்ளனர். இம்மாதம் மட்டும் 5 சம்பவங்கள் நடந்துள்ளதால் பெற்றோரிடையே அதிர்ச்சியையும் அச்சத்தையும் ஏற்படுத்தியுள்ளது.