திறந்து இருந்த வீடு - யதார்த்தமாக நுழைந்த சிறுத்தை - மகாராஷ்டிராவில் பரபரப்பு
மகாராஷ்ட்ராவில், வீட்டில் புகுந்த சிறுத்தையை வனத்துறையினர் மீட்டனர். நாசிக் மாவட்டத்தில் குடியிருப்பு பகுதியில் சிறுத்தை புகுந்தது. முதல் தளத்தில் அமைந்துள்ள வீட்டின் படுக்கையறையில் சிறுத்தை பதுங்கியது கண்டுபிடிக்கப்பட்டது. இதன்பேரில் சம்பவ இடத்திற்கு வந்த வனத்துறையினர், சிறுத்தையை மீட்டு மாடிப்படிகள் வழியே தூக்கிச் சென்றனர். வீட்டின் கதவுகள் திறந்து கிடந்த நிலையில், சிறுத்தை உள்ளே புகுந்ததாக கூறப்படுகிறது. சிறுத்தை பிடிக்கப்பட்டதால் அப்பகுதி மக்கள் நிம்மதியடைந்தனர்.