சிறுவனை கூட்டமாக விரட்டி சென்று கடித்து குதறிய தெருநாய்கள்...நெஞ்சை பதறவைக்கும் காட்சிகள்

கேரளாவில், 12 வயது சிறுவனை தெருநாய்கள் விரட்டிச் சென்று கடித்துக் குதறிய சம்பவம் அதிர்ச்சியை ஏற்படுத்தி உள்ளது.திருவனந்தபுரத்தை அடுத்த நடையாறு பகுதியை சேர்ந்த நஜீப் - சஜ்னா தம்பதியின் மகன் ஆசிப், மதரசாவிற்கு சென்று விட்டு, வீட்டுக்கு நடந்து வந்து கொண்டிருந்தான். அப்போது தெருவில் நின்று கொண்டிருந்த நாய்கள், அந்த சிறுவனை விரட்டிச் சென்று கடித்துக் குதறின. அந்த வழியாக வந்த ஒருவர், தெருநாய்களிடம் இருந்து சிறுவனைக் காப்பாற்றினார். கொல்லம் பாரிப்பள்ளி மருத்துவக் கல்லூரியில் சிறுவனுக்கு சிகிச்சையளிக்கப்பட்டு வரும் நிலையில், சிறுவனை தெருநாய்கள் விரட்டிச் செல்லும் சிசிடிவி காட்சி வெளியாகியுள்ளது.