பரபரப்புக்கு மத்தியில் வாலை ஆட்டும் சீனா..! அருணாசலுக்கு ராஜ்நாத் சிங் அதிரடி விசிட்
அருணாசலப்பிரதேசத்திற்கு சென்ற பாதுகாப்பு அமைச்சர் ராஜ்நாத்சிங், ராணுவ வீரர்களுடன் கலந்துரையாடினார். அருணாசலப்பிரதேசத்தில் உள்ள தவாங் போர் நினைவிடத்தில், உயிர்நீத்த வீரர்களுக்கு ராஜ்நாத்சிங் அஞ்சலி செலுத்தினார். பின்னர் விஜயதசமியை முன்னிட்டு நடைபெற்ற வழிபாட்டில் பங்கேற்று, ராணுவ தளவாடங்கள் மற்றும் ஆயுதங்களுக்கு பூஜைகள் செய்தார். பின்னர் ராணுவ வீரர்களுடன் ராஜ்நாத்சிங் கலந்துரையாடினார். இதையடுத்து, பும்லா பகுதிக்குச் சென்ற ராஜ்நாத்சிங், எல்லையில் மேற்கொள்ளப்பட்டுள்ள பாதுகாப்பு நடவடிக்கைகளை பார்வையிட்டு ஆய்வு செய்தார்.