நாட்டின் 72 -வது குடியரசு தினம் கோலாகலம்

நாட்டின் 72 வது குடியரசு தினம் டெல்லி ராஜபாதையில் இன்று வெகு விமரிசையாக கொண்டாடப்பட்டது.குடியரசு தினவிழா நடைபெறும் இடத்திற்கு வந்த பிரதமர் மோடியை, பாதுகாப்புத்துறை அமைச்சர் ராஜ்நாத் சிங் வரவேற்று முப்படை தலைமை தளபதி மற்றும் தளபதிகளை அறிமுகம் செய்து வைத்தார்.  இதனைத் தொடர்ந்து குடியசுர துணைத் தலைவர் வெங்கய்யா நாயுடுவை பிரதமர் நரேந்திர மோடி வரவேற்றார். பின்னர், விழாவுக்கு வந்த குடியரசுத் தலைவர் ராம்நாத் கோவிந்தை, பிரதமர் மோடி, பாதுகாப்புத்துறை அமைச்சர் ராஜ்நாத் சிங், முப்படை தலைமை தளபதி மற்றும் தளபதிகள் அழைத்து சென்றனர். இதனைத் தொடர்ந்து 10 மணிக்கு மூவர்ண கொடியை ஏற்றி வைத்து குடியரசுத் தலைவர் ராம்நாத் கோவிந்த்  மரியாதை செலுத்தினார். அப்போது, பாரம்பரிய முறைப்படி 21 பீரங்கி குண்டுகள் முழங்க தேசிய கீதம் இசைக்கப்பட்டது.