குற்றவாளியை பிடிக்க சென்ற டெல்லி போலீஸ் கைது - பீகார் போலீசார் அதிரடி

பீகாரில் குற்றவாளியை பிடிக்க சென்ற டெல்லி போலீஸ்காரர் கைது செய்யப்பட்ட சம்பவம் பரபரப்பை ஏற்படுத்தியுள்ளது. பீகார் மாநிலம் சுபால் மாவட்டத்தில் தஞ்சம் அடைந்துள்ள டெல்லியை சேர்ந்த குற்றவாளி ஒருவரை கைது செய்ய சென்ற டெல்லி போலீஸ்காரர், மது போதையில் இருந்துள்ளார். பீகாரில் பூரண மதுவிலக்கு உள்ள நிலையில், போலீசாருக்கு இதுபற்றி பொதுமக்கள் தகவல் கொடுத்தனர். இதையடுத்து, விரைந்து வந்த பீகார் போலீசார், போதையில் இருந்த டெல்லி போலீஸ்காரரை கைது செய்தனர்.